Давлат хавфсизлик хизмати томонидан Тошкент шаҳри ва Тошкент вилоятида қалбаки 71 200 АҚШ доллари муомалага киритилиши олди олинди.
Чилонзор туманида қалбаки 20 минг долларни сотишда гумонланган шахслар ушланди. Улар фуқарога пулларни 10 минг долларга сотган.
Сирдарё вилоятининг Янгиер шаҳрида 8370 долла қалбаки долларни муомалага киритмоқчи бўлган икки киши қўлга олинди.
Сергели туманида тўрт нафар фуқаро 100 минг қалбаки АҚШ долларини 70 минг долларга сотишда гумонланиб қўлга олинди. Уларга нисбатан жиноий иш қўзғатилди.
Муборак туманида яшовчи шахс Қозоғистондан олиб келинган 5 минг АҚШ долларини 25 миллион сўмга сотаётган вақтида гумонланувчи сифатида қўлга олинди. Ҳолат юзасидан жиноят иши қўзғатилди.
Давлат хавфсизлик хизмати ва Бош прокуратура ходимлари томонидан қалбаки 8300 доллар муомалага чиқарилишининг олди олинди.
Август бошида Тошкентда Spark автомобили салонидан қарийб 16 минг қалбаки доллар топилган. Мазкур ҳолат юзасидан жиноят иши қўзғатилиб, қалбаки пул ясаш ва уларни ўтказиш билан шуғулланган шахсларни аниқлаш ишлари олиб борилмоқда.
Тошкентда қалбаки 20 минг долларни 8 минг доллар эвазига сотмоқчи бўлган эркак қўлга олинди.
Наманганда Қирғизистондан айланма йўллар орқали олиб келинган қалбаки 10 600 доллар муомалага киритилишининг олди олинди. Мазкур маблағларни сақлаб келаётган ва келгусида Тошкент шаҳрида сотишни режалаштирган икки фуқаро қўлга олингани айтилмоқда. Уларга нисбатан жиноят иши қўзғатилди.
Тошкент шаҳрининг Яшнобод туманида бир нечта фуқаро банкомат орқали қалбаки 2 минг долларни сўмга алмаштириб олганликда гумонланмоқда. Уларга нисбатан жиноят иши қўзғатилди.
Қўшимча имкониятларга эга булиш учун сайтда рўйхатдан ўтинг